Galdu diren guztiei.
Ez da galdu izanaren errua zuena.
Erori diren guztiei.
Ez da erori izanaren errua zuena.
Orekarik ez duten guztiei.
Ez da zuena balantzaka izatearen errua.
Ukabilkadaka ikusi zintudan bart, ostikoka, zure buruaren kontra,
orekak hankatik tira egiten zizun bitartean.
Bizkar bustia zenuela denen kontra dantzan,
denaren kontra gatza ahotik jariatzen zitzaizularik.
Itsasotik ateratako naufrago galdu baten pare,
begietara zuzenduriko gatzezko balak jaurtitzen zenituen.
Begiratzen zintuztenak itsu bilakatzeko, mutu, gor.
Han bertan jo eta betirako naufrago bihurtzeko zor.
