Itun etenak

Ez dira dagoeneko bonbak entzuten.
Lanbro dago dena, lainotua.
Txoriak dira orain entzuten den bakarra, txioka, eta euri tantak, uralitazko teilatuan.
Lubakian, gertatutakoa dago gordea, armak, hildakoak, erdi erabilitako biziraupen kit-ak.
Amaitu da antza, armistizioa deklaratu da, bila etorriko zaizkigula zioten baina.
Aginduak jarraitzen genituen, ez dago agindurik dagoeneko.
Kanpoan, isiltasuna, egoera berriaren lekuko, barruan berriz denak jarraitzen du berdin, emergentziaren arrastoak diraute, agindu berrien zain, prest, urrengo erasoa noiz iritsiko zain.