Erabakiak

Zelai jokoa hutsik dago.
Argiak itzali dira.
Publikorik ez,
kartak zoruan banatzen dira,
mapa bat,
tarota,
erantzun baten zain,
ez al zen jokoa amaitu?
Proroga diote batzuk,
armistizioa besteek.
Koruak tragedia ozen intonatzen du,
animatzaileek purpurinazko borlak eragin.
Aldagelak pizten dira,
emergentzi irteerak ere.
Erabaki zuzena zein den ezin asmatu,
ez dago argibiderik,
ausazkotasuna neurgaitza da,
zoria defini ezina.
Ateak isten” entzuten da bozgorailuetatik,
eta olinpoak ez gaitu askatu nahi.